මෙහෙමත් මස්සිනාලා අංක දෙක . . .

මේකත් මම මේ ලගදී ගෙදර ගිය වතාවේ උන කතාවක්.ඔය මගේ පොඩිම මස්සිනා ඉන්නේ මෙහේනේ.මිනිහ ටිකක් විතර වෙනස් අනිත්  උන්ට වඩා.මම කලින් කියලත් තියනවා මිනිහ ගැන .

එදා උදේම මම ඔෆිස් එකට ගිය ගමන්  හාමිනේගෙන් කෙටි පණිවිඩයක් ආව තාත්තට අමාරුයි,  මල්ලිට කතා කරන්න කියන්න කියල.මම ඒ වෙලාවේ ඉඳන් මිනිහට ගන්නවා ගන්නවා කිසිම ප්‍රතිචාරයක් නැහැ. දැන් එන්න එන්නම තාත්තට අමාරු වෙනවා.මේ මනුස්සය නිදි.යන්තම් උදේ 10විතර වෙනකොට සම්බන්ද  කරගෙන ගෙදරට කෝල් එකක් දෙන්න කීවා.පැය  6ක් අමාරුවෙලා ඉඳල තාත්ත සදහටම අපෙන්  සමු ගත්ත.

එක මටත් ටිකක් තදට වැදුන දෙයක්.මොකද තාත්තා මෙහෙ ඇවිත් හිටිය කාලේ මගේ යාලුවන්ගේ බෝඩින් හැම එහෙකටම මා එක්ක ගියා.ගිහින් පොඩි ෂොට් එකක් එහෙමත් දැම්ම.අවුරුදු 73ක් වයස උනාට,වැඩිය කතාබහ නොකලට ඕනෑම වයසක සෙට් එකක් එක්ක මුහු වෙන්න පුළුවන් හැකියාවක් තිබුන.

ඉතින් ඔය තාත්ත  නැති උන පණිවිඩේ මම ලොක්කට කියල මල්ලිව යවන්න ඕන කියල ගෙදර ගියාම මේක බිල ගේ විනාස කරලා,අඩනවා.මම  අරගෙන ගිය ඇදුම් ටික දීල,ඇදුම් ටිකක් බෑග් එකට දාල ගෙදර යවන්න ලැස්ති කරා.දැන් මුට ටිකට් ගන්න මාරු සල්ලි මූ ළඟ නැති නිසා එකත් මමම කරලා හවස එයාර්පෝර්ට් එකට ගිහින් දැම්ම.එතැනදී මිනිහගේ ලොක්ක  මාසෙක පඩිය අතට දීල කිව, දවස් 10 කට වඩා ගන්න එපා කියල.

ඔය සල්ලි ටික අරගෙන මිනිහ යන්න යනකොට මම කිව මෙහෙන් සල්ලි ටික දාල යන්න කියල මිනිහගේ හැටි මම දන්නා නිසා.

දැන් මට යන්න තිබුනේ පහුවදා.

මම යනකොටත් මිනිහ ගිහින් සල්ලි ටික පොඩි අක්කට දීල වැඩවලට.අක්ක එක ආපහු අරගෙන තියල මොකද මූ යනකොට ටිකට් හදන්න වෙන්නේ අනිත් අයට නිසා එකට අරගන්න.

දැන් මිනිහ ආපු දවසේ ඉඳන් බොන එක තමා වැඩේ.මිනිහ රණ්ඩු කරනවා  මිනිහගේ සල්ලි වැඩ වලට ගන්නේ නැතෙයි කියල.ඔහොම ගෙදර වැඩ  ඉවර උනා. දැන් දවස්ටිකේම බීල හොදටම හැක් වෙලා දවසක් රෑ ලොකු අයිය හොද කනේ පාරක් දීල කාමරේකට දාල දොර වැහුල.

එදා රෑ මිනිහ ගෙදර තාප්පෙන්  පැනල ගිහින් බොරැල්ලේ තාත්ත ජිවිතේ වැඩි  කාලයක් හිටිය ගෙදරට.පහුවදා අයියල මිනිහ හොයන්න යනකොට ඒ ගෙදර තාත්ත වෙනුවෙන් පත්තු කරපු පහන ගාවින් කාලක් තියල මිනිහ තුන් කාලක් බීල.

ඇහුවම තාත්ත බොන්න කැමති නිසාලු එතන තිබ්බේ.....

පින්තුරෙ ගත්තේ:www.nursingtimes.net

පස්සේ සහෝදරයෝ ඔක්කොම එකතු වෙලා මූව පුනරුත්තාපන එකක තියල  සති දෙකක් ඊයේ තමා වැඩට එව්වේ.

මම නම් මේ මෙහෙම එකෙක් දැක්කමයි . . .