ක්‍රියිසිස් කාලේ ගොඩ දැම්ම හැටි ...

පින්තුරේ මෙතනින්:learner-centeredhistory.wikispaces.com

මේක අර ක්‍රයිසිස්  එක මෙහෙට ආපු කාලේ කතාවක්.ඕක ආවට පස්සේ ආයතන වැඩ කරන ජනතාවගේ  පඩි  අඩු කරගෙන ගියා (කව්රුත් වැඩ වැරුවේ නෑ හැබැයි).ඒ විතරක් නෙමේ ඉන්න අයත් අයින් කරන්න පටන් ගත්තා.කිසි කෙනෙකුගේ රැකියාව පහුවදා වෙනකල් විශ්වාස නැති මහා නරුම කාලයක් උදා උනා. 

මම මෙහෙට ආවේ නොදන්නා රැකියාවක් කරන්නනේ.හැබැයි ඒක මම ඉගෙන ගත්ත විෂය ක්ෂේත්‍රයට අදාලයි.ඒ උනත්  ඔය පඩි ප්‍රස්නේ නිසා ඉගෙන ගත්ත විෂය ක්ෂේත්‍රයත් මාරු කරන්න උනා මට.

අපේ ආයතනයේ හිටපු විශාල ප්‍රමාණයක් අයින් කළා.මම බේරුනත් ආයතනයේ මාස තුනක පඩි පරක්කුවක් තිබ්බ.ඔය කාලේ මගේ බිරින්දෑට පුතා හම්බ වෙන්න ඉන්න කාලේ.පඩි නෑ මාස තුනක් පළමු පාරට.අතේ තිබ්බ නය පත් වලින් අරගෙන ඒ කාලේ ගෙව්වා.දෙවැනි මාසේ වියදමයි ණය පතේ පොලියයි ගෙවන්න ආපහු ණය පතින්ම සල්ලි ගන්නවා.ඊ.ටී.සී.දැන් තේරෙනවනේ ණය පතේ අයිස් බෝලයක් හැදෙනවා නේද. 

දැන් මෙහෙම යන්න බැරි නිසා මම හිතුව අලුත් රැකියාවක් හොයන්න ඕන කියල.හිතුවට මේක කරන්න ලේසි වැඩක් නෙමේ.හැම ආයතනයේම තමන්ගේ සේවකයන් අයින් කර කර යන කාලේ.මම හිතුව මාස 6ක් හරි එක දිගට පඩියක් ලැබෙන තැනකට යන්න ඕන කියල.

මම මගේ අයදුම්පත හදල.වෙනම ඊමේල් එකක් හදල.පොතක් තියාගෙන දාන දාන ආයතනයේ නම ලියල, දාපු දවස සදහනක් කරගෙන යනවා. නෙට් එකෙන් මෙහෙ තියන හැම ආයතනකම වෙබ් අඩවි වලට ගිහින් එකේ ඉන්න ලොක්කන්ගේ නම් හොයාගෙන උන්ගේ පුත්ගලික ඊමේල් වලටම මගේ අයදුම්පත දානවා.ඔහොම මම පන්සීය ගානකට දාල තියනව.

ඇමතුම් ආවේ දෙකයි!!!!

ඒ දෙකත් මගේ ක්ෂේත්‍රයේ වැඩ නෙමේ.මම වැඩ කල ක්ෂේත්‍රයට ඔය කාලේ වැඩ අඩුයි.හැබැයි අනිත් ක්ෂේත්‍රයට රැකියා තවම පොඩ්ඩක් එහෙන් මෙහෙන් තියන බවක් ඕකෙන් තේරුණා.

පින්තුරේ ගත්තේ :http://www.theaustralian.com.au/business/in-depth/battered-confidence-holds-back-recovery/story-fn6q7nm8-1226100910942

ඉතින් ගිලෙන්න යන එකා පිදුරු ගහෙත් එල්ලෙනවනේ.මමත් තීරණයක් ගත්ත.ඇත්ත ටිකක් නමන්න වෙනවා මේ වෙලාවේ ජිවිතේ ගැට ගහ ගන්න.

දැන් කවදාවත් අයදුම්පතේ බොරු ලියන්න හොද නෑනේ.ඉතින් ඇත්තම ලිව.හැබැයි ක්ෂේත්‍රය සදහන් කලේ නෑ.ඇහුවොත් කියනව නැත්නම් සහතික බලනකොට තේරුම් ගන්න කියල ඉඩ තිබ්බ.

ඔය ක්ෂේත්‍රයේ මගේ රැකියාව කරන කෙනෙක් අල්ලාගෙන කරන්න තියන වැඩ ටික අහගත්තා.මුලික වැඩ දෙකේම එකයි හැබැයි තාක්ෂණික කටයුතු සම්පුර්ණයෙන් වෙනස්.මම කවදාවත් මේ ක්ෂේත්‍රයේ වැඩක් කරලා නෑ.

ඕන කරන මුලික වචන සහ ක්‍රියාකරකම් ටික නෙට් එකෙන් හොයාගෙන ගොඩ දැම්ම.දැන් මේ කාලේ තියන වැඩ තමා බාගෙට නවත්තපු වැඩ,එහෙම නැත්නම් ඉවර වෙලා/අල වෙලා /චා වෙච්ච කුණු ගොඩවල්.ඒ කියන්නේ මට ඕන කරන්නේ බාගෙට ගිය වැඩක් ගොඩ දාන්න තමයි.ඒ වැඩ වලට ඕන කරන කොටස් ටික විතරක් යාලුවන්ගෙන් අහ ගත්ත.

ඔය වැඩ ටික කරලා අපහු අයදුම්පත් දාන්න පටන් ගත්ත.දෙවැනි පාර දෙසීයක් විතර දාල තියනවා.ඔන්න මාස දෙකකට පස්සේ එක තැනකින් ඇමතුමක් ආව.ඉන්ටර්විව් එකට දිනයක් වෙලාවක් කතා කර ගත්ත. මොන ක්ෂේත්‍රයේද ඇහුවෙත් නෑ.මම කීවෙත් නෑ.

ඉන්ටර්විව් එකට ගියාම ඒක  ඉවර උන  ව්‍යාපෘතියක්.අර මම කිවත් වගේ අල වෙලා /චා වෙච්ච කුණු ගොඩක්.දැන් මගෙන් ප්‍රශ්න අහනවා.ගොඩක් ඒවා තාක්ෂණික දේවල් නෙමේ.අනික් විෂය කරුණු ටිකට අව්ලක් නැතුව උත්තර දී ගත්ත.මොකද ඌ හිතාගෙන ඉන්නේ මම තාක්ෂණික දේවල් ටික දන්නා නිසා අහන්න දෙයක් නෑ කියල.මේක තමා මම බලාපොරොතු උන විදිය. මිනිහට ටිකක් හදිස්සි මේ වැඩේ.ඔය අතර ප්‍රශ්න එකක් දෙකක් ඇහුව ඔක්කොම ලොකු බැරෑරුම් දේවල් නෙමේ සාමාන්‍යමේ  විෂය කරුණු දන්න කෙනෙක්ට ගොඩ දා ගන්න පුළුවන් ඒවා.

මිනිහ මාව තෝර ගත්ත.කව්රුත් දන්නේ නෑ මම වෙන ක්ෂේත්‍රයක කියල.ඉතින් අර ඉගෙන ගත්ත වචන ටිකයි නෙට් එකටයි පින් සිද්ද වෙන්න වැඩේ කරගෙන යනවා.

එක දවසක් ඔතන වැඩ කරන ප්‍රදාන ඉංජිනේරු තමා ඇවිත් මට චිත්‍ර මහා ගොඩක් දීල කීවා මේ ටික මැනල වැඩ බිමේ හදල තියන මිනුම් හරියට තියනවද බලන්න කියල.

දැන් ඔය චිත්‍ර ටිකේ ගෙවල් දෙසිය පනහක සියලුම වැඩ මනින්න ඕන.චිත්‍ර සෙට් දෙකක්...පරණ එකයි අලුත් එකයි... වැඩ බිමට ගිහින් හදපු ගෙවල් වල ඔය බඩු ඒ ගානම තියේද මනින්නත් ඕන.

මුලික දේවල් ටික විතරක් දැනගෙන මේ වැඩේ ගොඩ දාන්න බැරි බව දැන්නම් හොදටම පැහැදිලි.

දැන් මේක කරන්න බැරි උනොත් ආපහු රැකියාවක් හොයා ගන්නවා කියන්නේ මේ කාලේ, ඊට හොදයි වහ කාලේ කැලේ රිංගන එක...

ඔහොම තෝන්තු වෙවී ඉන්නකොට මට අලුත් අදහසක් ආව.ඒකට ඕන කරන උදවිය මේ කාලේ ලේසියෙන් හොයා ගන්න පුළුවන් කියලත් තේරුණා.දැන් තියෙන්නේ කාටවත් නෝන්ඩි වෙන්නේ නැතිව වැඩේ ගෙනියන එකයි.

දැන් ඔය ව්‍යාපෘතිය ඉවර වෙලා තියන එකක් නිසා,කොන්තරක් කාරයාගේ කාර්යාලයේ හිටියේ තුන් දෙනයි.මමයි කළමනාකරුයි අනික තමා ප්‍රදාන ඉංජිනේරු තුමා.මාව අරගෙන තියන්නේ කරපු වැඩ ටික ආපහු මැනල අඩු පාඩු සල්ලි ටික ගන්න.

ඔය කාලේ රැකියා නැති වෙලා ගොඩක් අය නිකන් ඉන්නවනේ.මම පත්තරේ දැන්වීමක් දැම්ම චිත්‍ර මනින්න වැඩක් තියනවය.කැමති කෙනෙක් කතා කරන්නය කියල.හිතුව වගේම 5 දෙනෙක් කතා කළා.ඒ අය අතුරින් අඩුම මිල ගණන් බලල මම මෙහෙ සල්ලි වලින් AED 2500.00 දෙන්නම් කියල චිත්‍ර ටික මැන ගත්ත.ඔය වැඩේට මාසෙකට වඩා ගියා.

ඉතින් දැන් අරූ චිත්‍ර ටික මනින කල් මම චිත්‍ර මනිනවා කියල පේන්න ඕව දිග අරගෙන කාලේ කනවා.මාසයක් කාලේ කන එකත් ලේසි වැඩක් නෙමේනේ.අනික මට ඔය වෙලාවේ අනිත් වැඩක් කරන්නත් බෑ.මොකද මේ ක්‍රයිසිස් දවස්වල කව්රුත් වැඩ කලේ සම්මතයකට.එක පාරකට කරන්නේ එක වැඩයි.ඒකත් කරන්නේ පුළුවන් තරම් කාලේ අරගෙන.මොකද ඉක්මනට වැඩ ඉවර උනොත් ඉක්මනට රැකියාවල් හොයන්න වෙනවා.

දැන් මට තියන්නේ,ඔය මැනපු චිත්‍ර ටික පාඩම් කර ගන්න.චිත්‍ර පාඩම් කරන්නේ මෙහෙමයි: අරක කොහෙද තියෙන්නේ, මේක තියෙන්නේ කොහෙද, මේක කලින්ට වඩා ලොකුද, නැත්නම් පොඩිද , මේක අලුත් කෑල්ලක්ද, ඔය වගේ ඇනලයිස් පාරක් හදාගෙන, අහන්න ඉඩ තියන ප්‍රශ්න වලට උත්තර හොයල තියා ගන්න එක තමයි චිත්‍ර පාඩම් කරනවා කියන්නේ.දන්නේ නැති දෙයක් ඇහුවොත් අර ඉංගිරිස් වචන තුන දැම්මකි.

දැන් හරි වැඩේ ගොඩක් දුරට.දැන් තියන්නේ වැඩ බිමේ කේස් එක.ඔය ගෙවල් දෙසිය පනහ කොටස් හතරකට තියන්නේ.ඒ කියන්නේ ගෙවල් වර්ග හතරක්.දැන් ඔය චිත්‍ර මනිපු එකා අපේ ලංකාවේ හාදයෙක්.මම මිනිහට කීව මේ ගෙවල් වර්ග හතරේ මනින්න තියන කෑලි ටික කියා දෙන්න කියල,ඒකට සල්ලි දෙන්නම් කීවා.මිනිහත් සතියක් විතර වැඩ බිමට ඇවිත් මගේ මල්ලි කෙනෙක් විදිහට කාර්යාලයට අදුන්නලා දිල වැඩේ කියා දුන්න.එකට තව AED  1000.00 ක් දුන්න.මට පාඩු නෑනේ රැකියාව බේර ගන්නනේ ඕන.

දැන් ඔක්කොම හරි.දැන් තියන්නේ වැඩේ පුලුවන් තරම් අදින්නයි.මොකද ඉක්මනට ඉවර කරලා දුන්නොත් ඒ තරම්ම ඉක්මනට යන්න වෙන නිසා මාස 6ක් ඇද්ද.අනික ඇත්තටම අවරුදු 3ක පරණ විස්තර හොයල කියවල ලියුම් ලියන්න,ගණන් හදන්න කාලයක් යනවනේ.මම අසාදාරන විදියට කාලේ ගත්තේ නෑ.හැබැයි එක පාරකට කලේ එක වැඩයි.ලියුම් 3ක් ලියන්න විස්තර හොයන්න තියන්නේ එකම ෆයිල් එකක නම්, එක ලියුමක් ලියල ෆයිල් එක ගිහින් තියල දෙවැනි ලියුම ලියන්න ආපහු ඒ ෆයිල් එක අරගෙන ඇවිත් මුල ඉදන් කියවනවා. (රෙකොර්ඩ් කාමරේට යන්න විනාඩි 10 විතර යනවා උනත් පළවැනි ලියුම ලියල ෆයිල් එක ගිහින් තියල එනවා).

ඔය රැකියාව මාස දහයක් කලා.ඊට පස්සේ තමා වෙන රැකියාවකට යන්න හම්බ උනේ.හැබැයි බොරුවට හරි මේක කල නිසා මට අලුත් ක්ෂේත්‍රයේ වැඩ ගැන හොද අවබෝදයක් ආව.

ඉතින් ඔන්න ඔහොමයි අමාරු කාලේ  ජිවිතේ ගැට ගහ ගන්න, බොරු නොව්නත් ඇත්ත ටිකක් විතර නමන්න වෙනවා.ආයතනයට ඕන දේත් ලැබුන මට ඕන දේත් කර ගන්න ලැබුනානේ..

වටිනාම ඉංගිරිස් වචන තුන "ලෙට් මී චෙක්" . . .

මම කලින් පොස්ට් එකක කීවනේ මගේ බොස් ගැන සහ නොදන්නා රැකියාවක් කරන්න ආව කියල.මගේ බොසා කියල තිබ්බේ කාටවත් කියන්න එපා කියල කලින් මේ රැකියාව කරලා නෑ කියල.මොකද කියන එක ඒ වෙලාවේ තේරුනේ නැතත් පස්සේ තේරුන විදියට මට ගෙවපු ගාන වගේ 3 ගුණයක් මුන් ගන්නවා ව්‍යාපෘතියෙන්.ඉතින් මම වගේ එන්ට්‍රි ලෙවෙල් කෙනෙක් අරගෙන වැඩ ටික කර ගත්තම ලොකු ගානක් ලාබයිනේ.මටත් ඉතින් වැඩ ටික ඉගෙන ගන්න පුළුවන් අනික ඒ දවස්වල හැටියට පඩියත් හොදයි. ඉතින් මම කාටවත් කිවේ නෑ.

හැබැයි ඕක පොඩි අව්ලක් වෙන වෙලාවල් ආව.දැන් ව්‍යපෘති වලට ගියාම වැඩ කරන්න වෙන්නේ මගේ බොසා එක්ක නෙමේනේ,ඒ ඒ ව්‍යාපෘතිය බාරව ඉන්න කළමනාකරු/උපදේශක වරු එක්කනේ. තාක්ෂණික ගැටළු ප්‍රශ්නයක් නෑ.අනික්වා තමා අව්ල. දැන් මම ඕවට ගියාම උන් හිතාගෙන ඉන්නේ මේ රැකියාව කලින් කරලා තියනව කියල.ඉතින් අර ටයිප් මිස් මැච් එරර් එක එනවා.

දැන් කොහොමද ඕක ගොඩ දාන්නේ.ලොකු ප්‍රශ්නයක්.වැඩේ තියන්නේ ඔය කියන දේවල් කරලා දුන්නහැකි තේරෙන්න කියනවා නම්.ඔය එක එක විෂයට තියනවානේ පාරිභාෂික වචන.දැන් ඕව දන්නේ ඔය විෂය හදාරපු කෙනෙක් හෝ රැකියාව කල කෙනෙක්. මම වැඩේ කරන්න දැන ගත්තට ඕකට කියන පාරිභාෂික වචන දන්නේ නෑ.රැස්විම් වලදී ප්‍රශ්න අහන්නේ ඔය වචන වලින්.

මුලදී බොසා මට කියල දීපු වැඩ ටික මම නියමටම කරගෙන ගියා. ඌටත් සැටිස්.හැබැයි බොසා ඉතින් එන එන විදියට ගහ උළුවස්සා ඩයල් එකක්.හැබැයි ඌ ගහන එක ගහනවා යේ අව්රුද්දක් ප්ලෑන් කල උන් බ්ලාස්ට් වෙන්න.හොද අත්දකිම් තියන පොරක්.

ඔන්න එක ව්‍යාපෘතියක,කාමර සීතල කරන පෙට්ටි වලට එනවානේ ඔය සීතල වතුර.ඔය සීතල වතුර එන්නේ ලොකු මැෂිමකින්.ඔය මැෂින් වලට ඉංගිරිස් වලින් කියන්නේ "chillers" කියල.ඕව ටිකක් ගණන් බඩු. ඉතින් මම ඔය මැෂින් 3ක් තෝරලා ගන්න යන මුදල ගණන් හදල ව්‍යාපෘතියේ අනුමත තත්ත්ව ටිකත් කොපි ගහල ආයතන 3 නකින් ගත්ත මිල ගණන් ටිකත් එක්ක ගිහින් උපදේශක කාර්යාලයට බාර දුන්න.

ඔය උපදේශක කාර්යාලේ කළමනාකරු ටිකක් එක විදිහක සුද්දෙක්.ඌ කතා කරන්නේ ඉංගිරිස් උනාට කතා කරන දේ තේරුම් ගන්න රෙකෝඩ් කරලා ආපහු දහ ගමනක් අහන්න ඕන.අයිරිෂ් ජාතික සුද්දෝ එක්ක වැඩ කල උන් දන්නවා. ඉතින් මට තේරෙන්නේ " ගහ ඉන්නවා, මිනිහ තියනව " වගේ. 

පින්තුරේ මෙතනින් : interviewpenguin.com 

දැන් ඔන්න මූකා එක එක ඕනෑ නැති ප්‍රශ්න අහන්න ගත්ත. ඔක්කොම පාරිභාෂික වචන.දැන් මම බ්ලාස්ට්.දැන් අහන්නද මුගෙන් " සර් දැන් කෙරෙන්න තියන වැඩේ සරලව කීවා නම් කරලා දෙන්න පුළුවන්" කියල.බැහැනේ.කල්පනා කලා කොහොමද ගැලවෙන්නේ කියල.

එක පාරටම මතක් උනා මගේ යාළුවා ඉස්සල්ලම රැකියාවට එනකොට කියල දිපු වචන 3ක්.

 මම ඔක්කොම අහගෙන ඉදල කීවා " ලෙට් මී චෙක් " කියල.

ඌ කතා කරන එක නැවත්තුව.ටිකක් වෙලා ඉදල මට කීවා."ඕ.කේ, අයි නීඩ් ටු  නෝ දීස් තින්ග්ස් බයි ටුමෝරෝ" කියල.

හෙට කියන්නේ මට කාලේ වැඩිත් එක්ක ඔය කියන ඒවා ටික නෙට් එකේ ගහල වචන ටිකයි වැඩෙයි ඉගෙන ගෙන ඕන කරන දේ කර ගන්න."දැන්" කියන එක තමා මගේ හතුරා...

එදා ඉදන් කව්රු හරි මගෙන් ඕන නැති ප්‍රශ්න අහන්න අවොත් මම ගාව තියන්නේ එකම එක ආයුදයයි           " ලෙට් මී චෙක් ".  මේක හෙන පවර්ෆුල්...

අම්මප ඒ පොලිස් කාරයට දෙයියන්ගේම පිහිටයි ...

මේක ඊයේ හවස උන වැඩක්.මම වැඩ කරන වැඩ බිම තියන්නේ නගරයෙන් පිට ප්‍රදාන පාරෙන් ටිකක් ඇතුලට වෙන්න.ප්‍රදාන පාරේ ඉදන් පොඩි අතුරු පාරක් තමා තියන්නේ වැඩ බිමට යන්න.උදේ එනකොට ප්‍රදාන පාරේ එන පැත්තෙන්ම තමා ඔය අතුරු පාර තියන්නේ. ඒක නිසා අව්ලක් නැතිව යන්න පුළුවන්.

හැබැයි හවස යනකොට මට පාරේ අනික් පැත්තට එන්න ලොකු දුරක් ඇවිත් අපහු හරවාගෙන (යු ටර්න් ගහගෙන ) එන්න වෙනවා විනාඩි 20  ක් විතර දුර ගිහින්.

මේ පාර මම වාහනේ ලියාපදිංචිය අලුත් කරද්දී ලොකු ගානක් දඩ මුදල් විදිහට ගෙව්වා.ලංකාවේ මුදලින් ලොකු ගානක්.එක නිසා මේ අව්රුද්දෙ කිසිම දඩයක් කන්නේ නැතිව ඉන්න ඕන කියල හිතාගෙන උන්නේ.

ඊයේ කාර්යාලයේ වැඩ ඉවර වෙලා ඔය අතුරු පාර දිගේ එනකොට මට ඉස්සරහින් ආපු වාහනයක් එක පාරටම වංගුවකින් පස්සේ නැතුව ගියා.මම බැලුව මූ කොහාටද ගියේ කියල.ටිකක් වෙලා නතර කරලා බලපුවම එතනින් ලොකු වාහන ගියපු වැල්ලේ පාරක් තියනව.ෂුවර් එකටම කෙටි පාරක් තමා කියල මමත් හරවාගෙන ඕක දිගේ ගියා.ගිහාම මෙන්න අර හාදය යනවා මට ඉස්සරහින්.ඔහොම යනකොට තේරුණා මේ පාර යන්නේ කොහාටද කියල.

පින්තුරේ ගත්තේ : ව්ව්ව්.http://dohanews.co/image/16401244996

මේ ප්‍රදාන පාරවල් ඒ කියන්නේ හයිවේ හදල තියන්නේ ඔය කාන්තාරේ ඉන්න ඔටුවන්ට ( නෑ මේ කියන්නේ කකුල් හතරේ ඔටුවන් කියන සත්ත්ව ජාතියට ) පාරේ අනිත් පැත්තට යන්න උන් වැඩි පුර ඉන්න තැන් වලින් පාර යටින් උමගක් එක්ක. සමාන්‍යයෙන් නම් ඔකේ වාහන යනවා. හැබැයි මෙතන පැහැදිලිවම ලියල තියනව වාහන වලට යන්න එපා කියල.මට ඔය පොඩි පොඩි බෝර්ඩ් කෑලි පේනවා හොරයි.එක පාරක් නාන්න උනෙත් ඔය වගේ බෝර්ඩ් එකක් ගණන් ගන්නේ නැතුව ගිහින්. තව අර ගෙවපු දඩ වලින් වැඩි හරියකුත් බෝර්ඩ් ගණන්ගන්නේ නැතිව ගියපුවා.

ඉතින් දැන් කල්පනා කරනවා යනවද නැද්ද ...කොහොම හරි මගේ නොහික්මුණු සහ ලජ්ජා නැති කම ජය ගත්තා...හොදටම විනාඩි 20 ඉතිරි කර ගන්න පුළුවන් කියල දැන් පහලට ගියා.මට කලින් ආපු එකා ගිහින් මේ වෙනකොට .මමත් හිමීට ඔය උමගේ කට ලගට ආව.හොම්බ ඇතුලට දානකොටම අර කලින් ආපු වාහනේ නතර කරලා.එකපාරටම පොඩි සැකයක් ආව, පරක්කු වැඩී මෙන්න ඉන්නවා බිත්තියටම හේත්තු කරලා නවත්තපු පොලිස් ජීප් එකක්.දැන් මට කට උත්තර නෑ.එක දැකපු ගමන් නැවැත්තුව.ඔතන පාරක් නෑ වැල්ල තියන්නේ ඉතින් යනවා නම් ඉක්මනට යන්න ඕන එරෙන්නේ නැති වෙන්න.

දැන් නවත්තල පස්සට ගන්න බැලුව.ම්හු එන්නේ නෑ තව ටිකක් එහාට මෙහාට කරලා දගලනකොට වැඩේ හරි.වාහනේ ගන්න බෑ.හොදටම වැල්ලේ එරිල.

දැන් පොලිස් කාරය අරුට දඩ කොලේ දිල යවල බලාගෙන හිටිය මම හොදටම එරෙනකල්.ඉදල වාහනේ ස්ටාර්ට් කරගෙන ආව ලගට.ඇවිත් කියනව ඇයි බෝර්ඩ් කියවන්නේ නැද්ද කියල.මම කිව අද විතරයි එන්න ආවේ.ආපහු නම් එන්නේ නැත කියල.මිනිහ දඩ ගහන පොතත් අරගෙන බැස්ස.බැහැල ඇවිත් මට වාහනෙන් බැහැල අයින් වෙන්න කිව.

මම දැන් හිත හදාගෙන ඉවරයි දඩය කන්න.හැබැයි දැන් වාහනේ මෙතනින් අද ගන්න හොද කට්ටක් කන්න වෙනවා.

මිනිහ වාහනේ ඉදගෙන එහාට මෙහාට කරලා කොහොම හරි එලියට අරගෙන දුන්න.වාහනේ ඉස්සරහ යට තියන ප්ලාස්ටික් තහඩුව ගැලවිලා.

මේ වගේ පාරවල් වල යන්න එපා කියල තියන්නේ ඕක නිසා තම කියල මිනිහ ගියා... මට දඩ ගැහුවේ නෑ .

මොනවා උනත් ඌ හොද ඔටු පොලිසෙක්.

කැඩිච්ච කල්ලත් අරගෙන මම පරණ පාරෙන්ම පැයක් විතර පරක්කු වෙලා ගෙදර ආව.

ඌට හොදක්ම වෙන්න ඕන.. අම්මප දෙයියන්ගේම පිහිටයි ඌට !!!!!!!!

නමෝ විත්තියෙන් "XXX"

පින්තුරේ මෙතනින්:pengalaman.comuv.com 

සරසවියට ගිය මුල්ම කාලේ.මට කොම්පියුටර් එකක් තිබුනේ නෑ.එකක් ගන්න සල්ලි තිබුනෙත් නෑ.අම්මත් පුළුවන් උනත් බැරි උනත් කීයක් කීයක් හරි පොතට දානවා.මම මෙහෙන් ගන්නවා.ඒ දවස් වල මට හොද යාලුවෙක් හිටියා.එයා වැඩ කලේ පුත්ගලික බැංකුවක.ඉතින් මම ඉල්ලුවේ නැතත් ගෙදරින් මට දාන සල්ලි ගාන බලල එයත් ගානක් එකතු ක‍රල තිබුන ඔය ගිණුමට.ඔය විත්තිය මම දන්නේ ගොඩක් පස්සේ බලපුවම මම ඒ සල්ලි වලිනුත් බීල තියනව කියල දැන ගත්තම නම් මහා විශාල ලැජ්ජාවක් ඇති උනා.

ඔය කාලේ මම අදායමක් සොයා ගන්න උත්සාහ කලා.මම වගේ තව ගොඩක් අය මේ ක්‍රමයෙන් ජිවත් උනා. ක්‍රමය නම් උසස් පෙළ ළමයින්ට අමතර පන්ති කිරීම.මේක මරු ජොබ් එකක්.හොද හොද අත්දැකීම් ලැබෙනවා.

පත්තරේ දැන්වීමක් දාල ටික දොහක් යනකොට දුරකථන ඇමතුම් එනවා.එතකොට අපි අය කලේ මාසෙකටම දෙදහස් පන්සීයයි.සතියට දවස් 2ක් කරන්න ඕන.ඒ වගේ  පන්ති දෙක තුනක් කියන්නේ හොද අදායමක්.බෝඩිමේ 3න් දෙනක්ම මේ රස්සාව කලා.අපිට අපේ වියදම හොයා ගන්න පුළුවන් නිසා සතියකට සැරයක් බොන එක වෑරදුනේ නෑ.

ඉතින් මම කොහොම කොහොම හරි කොම්පුටර් එකක් ගන්න සල්ලි එකතු කර ගත්ත.දැන් අපේ බෝඩිමේ ඉන්න කොම්පුටර් වැඩ්ඩා එක්ක ගිහින් යුනිටි එකෙන් බඩු ගෙනාව.දැන් බෝඩිමේ උන් ඔක්කොම ඉන්නවා.කොහොම හරි බෝතලයක් හිස් වෙන ගමන් කොම්පියුටරේ ටික ටික එක හැඩේකට එනවා.දැන් ඉතින් ඕක එක දිගට කෙරෙන්නේ නෑනේ.එක එක රස කතා සහ බෝතලේ හිස් වේවි තමා කෙරෙන්නේ.දැන් අන්තිම ටික යන අතරේ මමයි තව යාළුවෙකුයි ගියා කන්න ගේන්න.අපි එලියට ඇවිත් අතුරු පාර දිගේ ගොඩක් දුර යනකල් මුන්ගේ සද්දේ ඇහෙනවා.

අපි දැන් කෑම ටික අරගෙන එනවා, සද්දයක් ඇහෙන්නේ නෑ.අපි බැලුව බෝඩිමේ ඇන්ටි කේස් එකක් දැම්මද දන්නේ නෑ කියල කෑ ගහනවට.මොකද කලින් දවසක එක සිද්දියක් උනා. ඒක කියලම ඉන්නම් එහෙනම්.

අපේ ඉන්නවා එකෙක් නොහික්මුනු.මූගේ සරම හැම වෙලේම තියන්නේ ගැටේ ගලවල කොනක් කරේ දා ගෙන.අත සරම ඇතුලේ.අල්ලපු ගෙදර ඉන්නේ ගෙවල් අයිති ඇන්ටි.ඉස්සරහ තට්ටු දෙකේ ගෙදරක්.ඒ ගෙදර අය ඇන්ටිට කොම්ප්ලේන් එකක් දාල මූ ඉන්නවලු සරම කරේ තියන් කියල.ඉතින් ඇන්ටි ඕකට ඇවිත් අපිට පැය භාගයක විතර දේශනයක් දීල ගියා.මේ පැත්තේ ඉන්නේ හොද මිනිස්සුය,අරකද මේකද මේ වගේ දේවල් එයාලට හොද නැතිය කියල.හැබැයි ඉතින් ඕව හිතන්න තිබ්බේ අපිට ගේ දෙන්න කලින්නේ.ඕව දැන් කතා කරලා වැඩකුත් නැති නිසා අපිත් නිසද්දව හිටිය.  අදාළ පුත්ගලය මේ වෙලාවේ නානවා.සිංදුවකුත් ඇහෙනවා."අනන්තයට යන පාර දිගේ __ගි වනා ඇතේ කියල ". දැන් මෙන්න ගේට්ටුව ගාවින් ඔලුව දාල ඇන්ටි යස්සනී වගේ කෑ ගහනවා මුගේ නම කියල කෑ ගහන්න එපා කියල.ඇන්ටිට මලම පැනල කියනවා වෙන තැනක් හොයා ගන්න මෙතන මේ විදියට ඉන්න දෙන්න බෑය. ඉන්නවා නම් ඒ විදියට ඉන්නය කියල.දැන් මේ වැඩ දෙකටම මුල අරූ.ඌට කිසි හෙනයක් නෑ අපි මේ ඔක්කොම ලජ්ජාවල් විදින්න ඕන.ගිහින් ගැහුවා දොරට.මොකද බන් කෑ  ගහන්නේ ඇහුවම මූ පෙන්නපු එක දැකල වහලේ උළු උඩ යන්න අපිටත් හිනා.බාත්රුම් එකේ පොඩි ජනේලෙන් මූට නානකොට පේනවා ඇන්ටිලාගේ  රෙදී වැලේ, කාන්තා යට ඇදුම් වනල තියනව.මූ ඒක දැකල කිව්ව සින්දුව තමා අර.අන්ටිටත් තේරෙන්න ඇති මේක තමා සිද්දිය කියල හොදම එකෙන් තද වෙලා තිබ්බේ.

පින්තුරේ ගත්තේ :everyonesgran.blogspot.com

ඉතින් අපි බෝඩිමට එනකොට ලයිට් නිමල,දොර ජනෙල් වහල,කිසි කෙනෙක් ඉන්න වගක් පෙන්න නෑ.දැන් නම් හොදටම විශ්වාසයි මොකක් නමුත් වෙලා තමා කියල.ඉක්මනට දොර ඇරලා ඇතුලට ගියා.කාමරේ දොරත් වහල.මේක නම් හොදටම අව්ල් මොකද මොනවා උනත් කාමරේ දොර වහන්නේ නෑ අපි.කෑම ටික තියල දොර ඇරලා බලපුවම,කොම්පුටරේ හදල එක ඔන් කරලා, කාමරේ උන් ඔක්කොම ඉන්නවා තැන් තැන් වල හුම් සද්දයක් නෑ, අපි ආව කියල ගානකුත් නෑ.මගේ කොම්ප්යුටරේ හදල ඉස්සෙල්ලම කරලා තියන්නේ වැලක් බලන  එක.

පින්තුරේ මෙතනින්:http://farm3.staticflickr.com/2005/2201791984_87a6715f17_z.jpg

ජීව විද්‍යාත්මකව දුර මනින්නේ මෙහෙමයි

පිතුරේ මෙතනින් : http://prek-8.com/3rdgrade/measurement_index.php

අද දුර මනින එක ගැන කතා කරන්න ඉන්නේ.දුර මනින්න තියනවනේ ඔය මිනුම් දඬු. ඉංගිරිස් වලින් කියන්නේ යුනිට් කියල. දුර මනින්න පිළිගත් භෞතික විද්‍යාත්මක මිනුම් දඬු සෙන්ටි මීටර, මිලි මිටර, කිලෝ මීටර වගේ අපිට දැනෙන දුර මනින්න භාවිතා කරනවා. ඔය ඔයිට වඩා කුඩා අපිට නොදැනෙන දුරවල් මනින්න තව තියනවානේ මයික්‍රෝ මීටර, නැනෝ මීටර වගේ පොඩි එව්වා.

ඔය මිනුම් දඬු භාවිත කරන කොට බලපාන කරුණු ගොඩක් තියනවා.එකක් තමයි මනින කෙනා.ඒක ගොඩක් වැදගත් කරුණක්.ගොඩක් වෙලාවට රට රටවල් අනුව වෙන වෙනස් මිනුම් දඬු භාවිත කරනවා. ඔය මනින කෙනා මොන රටේද කියන එක ඒ අනුව වැදගත්.

එතකොට මනින කෙනා ගේ දැනුම මතත් මේක ටිකක් වෙනස් වෙනවා. උදාහරණයකට ගමේ වැඩකරන බාස් කෙනෙක් ගත්තම එයා ගොඩක් වෙලාවට මනින්නේ අඩි වලින්, මැනල මීටර් වලට  මාරු කර ගන්නවා.එතකොට පොඩි පොඩි වැරදීම් වෙනවා.එක නිසා තමයි අපි ටිකක් වැදගත් වැඩක් කර ගන්නකොට හරියටම දන්නා මිනුම් දණ්ඩක් භාවිත කරන්නේ.

ජීව විද්‍යාත්මක ක්‍රමය
අපි නැවතිලා හිටියේ කැම්පස් එකට ටිකක් දුර.විනාඩි තිහක් තිස් පහක් වගේ යනවා එන්න.ඒ ඇවිත් එකේ ෆ්රන්ට් එකේ ඉදලා තව විනාඩි පහලවක් වගේ ඇවිදින්න ඕන"අහස උසට නැග ගියාට නැහැනේ අහසේ රැදෙන්නේ" ගීතය ජාතික ගීය උන දෙපාර්තමේන්තුවට යන්න.ඉතින් ඔය ගමනේ විස්තර ටිකක් කියන්න වෙයි නැත්නම් තේරුම් යන එකක් නෑ.මේක තේරුම් ගන්න එක වැදගත් මොකද ජීව විද්‍යාත්මක ක්‍රමය තේරුම් ගන්න මේ විස්තරය අත්‍යාවශ්‍ය වෙන නිසා.

දැන් ඔය  කැම්පස්  එකේ  ෆ්‍රන්ට්  එක  කියන්නේ  ඇතුල්වෙන  ගේට්ටුව.  ෆ්‍රන්ට් එකෙන්  ඇතුලට ආවම  මුලින්ම හම්බ වෙන්නේ පුස්තකාලය, ඊට පස්සේ ටිකක් දුර ගියාම තියනවා සුමනදාස  බිල්ඩිම, තව ටිකක් දුර ගියාම L හැඩති බිල්ඩිම.ඊට පස්සේ තමා  "අහස උසට නැග ගියාට නැහැනේ අහසේ රැදෙන්නේ" ගීතය නිල නොලත්  ගීය උන දෙපාර්තමේන්තුව තියන්නේ.ඕක තමයි දල විස්තරය.දැන් නිධාන කතාව.

ඔන්න දුර  පළාතකින් ඉගෙන  ගන්න  කොලඹ  පළාතේ  තියන  කැම්පස්  එකකට  ආපු  එකෙක්  හිටිය.  මිනිහ ඉගෙන ගත්තේ  "අහස උසට නැග ගියාට නැහැනේ අහසේ රැදෙන්නේ" ගීතය නිල නොලත් ගීය උන දෙපාර්තමේන්තුවේ.දැන් ඔහොම එන බහුතරයක් කැම්පස් එන්න කලින් ගෙදරින් පිට වැඩිය ඉඳලා නැති, ගෙදරින් පිට කෑම වැඩිය කාල නැති උදවියනේ.ඉතින් මෙහෙම යාළුවො  කට්ටියක් එක්ක පිට තැන් වල නැවතිලා, පිටින් කන්න වෙන එක ටිකක් අලුත් අත්දැකීමක් හැමෝටම.ඒක එහෙම නෙමේ අය ඉන්නවා නෑ කියන්නේ නෑ, හැබැයි බහුතරයක් ඔය ගොඩේ තමා.

ඉතින් ඔහොම ඉන්නකොට මූට කෑම අව්ල නිසා බඩේ ගායක් එනවා.ඕක අපි හැමෝටම උනා ආපු  මුලදී.හැබැයි ටික දවසකින් හරි ගියා.වැඩේ කියන්නේ මුන්දැට ඉක්මනට හරි ගියේ නෑ.දැන් මූට බොකක් දාන්න සෙට් වෙන්නේ කොයි වෙලේද නෑ.කාල අක්ෂයේ ඕනෑම ලක්ෂයක මූට බොකක් සෙට් වෙන්න ඉඩ තියනව.ඒ කියන්නේ මුගේ පුක අන්ප්‍රිඩික්ටබල්( පුක යනු කුණුහරපයක් නෙමේ කියල ගොඩක් තැන් වල දැක්කා).

දැන් මෙන්න මෙහෙමයි ඔය ජීව විද්‍යාත්මක විදියට දුර මනින ක්‍රමේ ආවේ.

පින්තුරේ ගත්තේ :http://stockfresh.com/image/233234/man-with-intestinal-problems-sitting-on-the-toilet

උදේම අපි ඔක්කොම නවාතැන්පොලින් පිටත් වෙනවා.ඔහොම යනකොට වංගු වලින් හැරිලා කෙලින් ඇවිල්ල එනකොට, අපේ කතා නායකයාට බොකක් චාර්ජ් වෙනවා.ඒ කිට්ටුව ඉන්නවා අපේ යාලුවෙක් නැවතිලා.එක නිසා අපි එතනින් මුගේ බොක නිදහස් කරලා ආපහු ගමන පටන් ගන්නවා.අපේ අරමුණ තමා හැකි ඉක්මනින් දේශන ශාලාවට යන එක.මොකද මෙහෙම අන්ප්‍රිඩික්ටබල් පුකක් එක්ක ගමනක් යනවා කියන්නේ ලේසි වැඩක් නෙමේ .ඔහොම ඇවිත් ෆ්‍රන්ට් එකට එනවා.ඒ වෙනකොට මූගේ දෙවන බොක චාර්ජ් වෙලා.ඒක දානවා පුස්තකාලෙන්.දාල යනකොට ඊ ලග එක එනවා L බිල්ඩිම ගාව.ඒක L බිල්ඩිමෙන් දානවා.දැන් මේ වෙනකොට දමපු බොක ගණන කීයද පින්වතුනි.තුනයි. එතකොට බෝඩිමේ සිට "අහස උසට නැග ගියාට නැහැනේ අහසේ රැදෙන්නේ" ගීතය නිල නොලත් ගීය උන දෙපාර්තමේන්තුවට දුර බොක තුනයි.

ඔන්න ඕක තමා ජීව  විද්‍යාත්මක ක්‍රමය.දැන් අපිට පුලුවන් ඔය ඇසුරෙන් ඕනෑම තැනකට දුර බොක වලින් කියන්න.අපි එදා ඉදන් දුර කියන්න භාවිත කලේ ඔන්න ඔය ජීව  විද්‍යාත්මක ක්‍රමයයි.

උදාහරණ කිපයක් කියල ලිපිය ඉවර කරන්නම්:

1.0 බෝඩිමේ ඉදන් "ෆ්රන්ට්" එකට බොක එකයි අටෙන් හතක් වගේ (ෆ්රන්ට් එකේ ඉදන් පුස්තකාලයට පොඩ්ඩයි).

2.0බෝඩිමේ ඉදන් "ගොඩ කැන්ටිමට" එකට බොක දෙකයි භාගයයි (ගොඩ කන්ටිමයි ෆ්රන්ට් එකයි අතර  දුර බොක භාගයකට කිට්ටුයි  , කැන්ටිමෙන් කාල යන්න හිටියොත් දුරක් යන්න බෑ කැන්ටිමේ ටොයිලට් එකට යන්න වෙනවා)

3.0 බෝඩිමේ ඉදන් පුස්තකාලයට බොක දෙකයි.

4.0 තව පාඩම් කරන්න භාවිත කරපු කොටසක් තිබුනා පුස්තකාලය යට "අපාය" කියල.ඔය අපායට බෝඩිමේ ඉදල බොක දෙකයි කාලයි.

5.0 බෝඩිමේ ඉදන් "වල කැන්ටිමට" එකට බොක තුනයි තුන් කාලයි.

6.0 ෆ්‍රන්ට් එකේ ඉදන් කටුබැද්ද හන්දියට අයියෝ සංසාරේ බොකම පහයි. 

ප.ලි : මේකේ " " අතර තියන්නේ එක එක ලොකේෂන් වලට කියපු නම්.
          උදාහරණ ටික පොඩ්ඩක් හැදුව දුර වල               

එක්වී අදට සය වසරක් ගත වීය

පින්තුරය ගත්තේ : http://newintheknow.com/2012/10/life-years

දස වසක් පෙර පැමිණි
ජීවිතයේ කටුක කල
උදාවූ කල හමු උනෙමු
අහඹුවක් වූ ඒ දින

යමින් සිටියෙමි දිවි කටුක මං තුල
මිතුරියක ලෙස සවියක් වෙමින් මා තුල
මං දෙකක ගිය සිත් ඇතත් අප තුල
ඔබ මා සමග නීති එක්ව ගමන් කල

දහසක් කම්කටොලු මැද තව තවත් ලං උන
එකට මුනගැසුන සුන්දර කලක් ගත වින
නොමැත සැමරුමට දිනයක් පෙම්වතුන් උන
මා නොපැවසු වදන් ඔබට අමතක විය.

මා වෙනුවෙන් ඔබ ලියු කවි ලියමන
මා ලග ඇතත් කොටසක් මා නොකියවින
නිසදැස් ලියා දුන් සුබ පැතුම් පත් නැති වින
නොකලෙමි අගය එදා, අද නිහඩය ඔබේ ලියමන

එක්වී අදට සය වසරක් ගත වීය
නැවුම් ජීවිත දෙකක් අප සමග එක් වීය
දිවි මග ගියේ කිසි ලෙස නොසිතු මග වීය
පුරා සය වසක් එම මග ගෙවා අප පැමිණිය

ආ ලෙස ගමන් මඟ අප මේ තරම් කල
දුන් ලෙස සවිය මා හට එන්න මේ තරම් දුර  
තුතියක් ලෙසින් කියමින් මේ වදන් පෙළ   
මේ ලෙස සුබපතන්නමි අප සැමරුමට. . .

මේක ලිවේ ළමයින්ගේ අම්මට යවන්න. කවි පෙලක්ද, නිසදැසක්ද දන්නේ නෑ.උන්දැ හැමදාම කවි නිසදැස් ලියල දෙන එකේ මමත් අද එකක් ලියල යවන්න කියල.පහුගිය දවසක එහෙම ලියල දුන්න පරණ කාර්ඩ් වගයක් මගේ අතින් නැති උනා. මට නම් ඉතින් ඔය ඊස්තටික් වැලියු තේරෙන්නේ නෑ. ඒකට පොඩ්ඩක් නොරොක් වෙලා ඉන්නේ. ඒකත් ගොඩ දා ගන්න පුළුවන් වෙයි කියල තමා මේක ලිවේ.

හොදද නැද්ද කියල කිවොත් ඒ වැඩේ ගොඩ දා ගන්න පොඩි උදව්වක් වෙයි මයේ හිතේ ...

ගොඩ දා ගන්න බැරි උනොත් විවාහ සැමරුම දවසේ ....

ප්‍රින්ටින් මිස්ටේක් .....

Image from gowhereyougrow.wordpress.com 

කලින් පොස්ට් එකේ රැකියා අයදුම්පතේ තිබුන මුද්‍රණ දෝෂයක් දුර දිග ගිය හැටි ලිව්වනේ.ඔය කර්මය මට ඔයිට කලිනුත් පල දීල තියනවා.ඒ කියන්නේ ඒක මගේ දුර්වල තැනක්... ඔයිට පස්සෙත් කීප ගමනක් ඔහොම උනා එක එක තැන වලදී.ඒවගෙන් විනොදාස්වාදයක් තියන කතා ටිකක් විතරක් කියන්නම් අද එකක් කියන්නම්.

කැම්පස් එකේ 3 වැනි අවුරුද්දේ ඉන්න කාලේ, 3 වැනි අවුරුද්ද කියන්නේ ඉන්ඩස්ට්‍රියල් ට්‍රේනින් යන්න කලින් අධ්‍යන කාලය.ටිකක් අමාරු විෂයන් තියන කාලයක් ඕනෑම පාඨමාලාවක මේ කාලය.ට්‍රේනින් යන්න කලින් ඒ ඕන කරන එව්වා කියල දෙන්න ඕන නිසා.ඉතින් ඔය සෙමෙස්තරේ (අධ්‍යන කාලයට කියන්නේ semester කියල දන්නා විදියට සිංහලට හැරෙව්වා) තිබ්බා විෂයක් උසස්පෙළ රසායන විද්‍යාව වගේ ඊට වඩා පට්ට අමාරු විෂයක්.

ඉතින් දැන් ඕක අමාරුයි.හැමෝටම.ඉතින් ගොඩ දාන්න ඕන නම් ඔය පැවරුම් ටිකයි, සෙමෙස්ටරය මැද තියන පොඩි විභාගයයි, වාචික ප්‍රශ්න උත්තර කොටසටයි හම්බෙන ලකුනු තමා ගන්න වෙන්නේ මොකද අන්තිම විභාගයට වෙන දේ කලින්ම දැනගෙන හිටිය නිසා.නැත් නම් පොඩි උන් එක්ක ලැජ්ජා නහර කපලා ආපහු කරන්න ඕන.

ඉතින් දැන් පළවැනි පැවරුම කලා අව්ලක් නෑ, දෙවැනි එක කලා අව්ලක් නෑ, තුන් වැනි එක බාගයක් කොපියක් ගහල වචන වෙනස් කරලා ලියල දුන්න, එකත් අව්ලක් උනේ නෑ.දැන් අන්තිම එක.තුනක් ගොඩ නිසා දැන් වැඩි බයක් නෑ.

ඔය කියන අන්තිමපැවරුම, දේශන එහෙම ඔක්කොම ඉවර උනාට පස්සෙනේ දෙන්නේ.ඉතින් අනික්වට වඩා  වෙනස්.පළමුවෙන්ම කලේ පැවරුමේ තියන යතුරු වචන නැත් නම් ප්‍රදාන වචන ටික අපේ දෙවියන් වහන්සේගේ සුදු පාට හිස් කොටුවේ ටයිප් කලා.එතකොට උන්නාන්සේ තත්පර පොඩි කොටසකින් ගොඩක් විස්තර හොයල දුන්න, විකල්ප වගයකුත් යෝජනා කලා.විකල්ප එපා කියල එකින් එක ගිහින් හොයා ගන්න කල්පනා කළා.ඒ හොයල දුන්න විස්තර එකින් එක අන්තිම එක වෙනකන් ගියා.යන ගමන් හොදයි කියල හිතෙන, අදාලයි කියල හිතෙන පොඩි පොඩි කතන්දර එහෙම පොඩි වර්ඩ් ෆියිල් එකකට කොපි කරගෙන එහෙම තමා කලේ.

ඔය භාරදුර වැඩේ ඉවර උනාම මාර නිදහසක් ලැබුන.මොකද දැන් ඔක්කොම පැවරුම් හරි, වාචික ප්‍රශ්න ටිකත් හරි, අර මැද තියන විභාගය ලියා ගත්ත.දැන් අන්තිම විභාගය අල උනත් කමක් නෑ ආපහු කරන්න වෙන්නේ නෑනේ.

දැන් ඔය එකතු කර ගත්ත විස්තර ටික පැවරුමට අවස්ථා සම්බන්දය ගලපලා හදා ගන්න පැය 7 කුත් ගානක් ගියා.මොකද ඔය අලුතෙන් තමන් හිතල ලියනවට වඩා අමාරුයි වෙන කාගෙවත් ඒවා අපිට ඕන විදියට මුහු කර ගන්න.ඒක හිතල ලියනවට වඩා හැකියාවක් ඕන කරන ක්‍රියාවක් සහ ගොඩක් දැනුම වර්ධනය වෙන ක්‍රමයක්.කොපි කරනවා කියල හෑල්ලු නොකළ යුතු හැකියාවක්.හැබැයි ඒ හැකියාවට තාම තැනක් ලැබිල නෑ.තාම මේ වැඩ කටයුත්තට කියන්නේ කොපි කරනවා කියල.හරිම කණගාටුයි කියන්න.මේකට නෙට් එකෙන් ඇසයින්මන්ට් ගහපු අය සාක්කි දරනවා ඇති.මේක ගැන නම් වෙනම පොස්ට් එකක් ලිව්ව හැකි. ඒ තරමට අත්දැකීම් තියනව.

ඉතින් මේක ඉවර කරලා අන්තිමට වචන සෙවීමක් කලා දේශන වල නොකිය උනු වචන ඉවත් කරන්න.මොකද මේ පැවරුම තනිකරම අපේ යෝජනාවක් දීල තියන ගැටලුවට.අපේ අනන්‍යතාවය වැදගත්.ඒක නිසා අලුත් වචන කලින් පැවරුම් වල බාවිත කල වචන වලින් රීප්ලේස් එහෙම කරලා ලෙසටම හැදුව.දැන් මාර සතුටුයි.එක පාරක් වත් කියවන්න ඕන උනේ නෑ ඒ තරමට ඕ.කේ .

දැන් පහුවදා මේක ප්‍රින්ට් කරලා ගිහින් බාර දුන්නා.දැන් අන්තිම විභාගය දවස් ආව.දැන් තමයි අර පැවරුමේ ලකුණු දෙන්නේ.ඒක මත තමා තීරණය වෙන්නේ ඒ විෂයට තව කොච්චර ලකුණු ගන්න ඕනද කොච්චර කාලයක් පාඩම් කරන්න ඒ විෂයට වැය කරනවාද කියල.

ගිහින් බලපුවාම මගේ නම නෑ.දැන් පොඩ්ඩක් අව්ල්.කෝකටත් අපහු පාරක් බලල ගිහින් ඇහුව ඉන්ට            (ඉන්ස්ට්‍රක්ටර්)ගෙන්.ඌ දුන්න පැවරුමේ මුල් පිටුව උඩම ලියල නැවත කරන්ඩලු.මේක දැක්ක ගමන් ඔලුවට කළු බෑග් එකක් දාල පොල්ලකින් ගැහුවා වගේ උනා. දැන් අන්තිම විභාගයට සතියයි, මේක ආපහු ලියන්නයි පාඩම් කරන්නයි අනික් විෂයන් ටිකටත් බඩු හම්බ වෙන වැඩක් වගේ ගොඩාක් දේවල් ඔලුවේ ඇතිවෙලා නැතිවෙලා ගියා. හොද සිහිය ආවට පස්සේ බැලුව මොකක්ද වෙලා තියන්නේ කියල. එතන තිබුන පුටුවක වාඩි වෙලා පිටුවෙන් පිටුව පෙරලලා බලද්දී , 4 වැනි පිටුවේ යටම ජේදයක රතු පෑනකින් රවුම් කරපු කෑල්ලක් දැක්ක, එතන අකුරු ටික නිල් පාටයි.නිල් පාට අකුරු ලියනකොට දැම්මේ නෑනේ, ඒක නිසා හොදට බැලුව, එතකොට දැක්කේ ඒ අකුරු ටිකට යටින් තව පොඩි අකුරු වගයක් තියනව ඉංගිරිස්, මෙන්න මෙහෙම " click here".

ඒක දැක්ක ගමන් දෙයියන්නාන්සේ, කොම්පුටරේ, ෆ්රන්ට් එකේ ෆොටෝකොපි  කඩේ ප්‍රින්ටරේ මතකයන් ඇදිල අන්තිමට මෙන්න මේ ඉංගිරිස් අකුර මතු උනා.

Image From  www.adelaidenow.com.au 

ප.ලි :හොද නරක , වැරදි අඩුපාඩු ,පොඩ්ඩක් කියල යන්න කියල ඉල්ලා ඉන්න කැමති.

දුරු රට රැකියා සෙවීම

මමත් දුරු රටක රැකියාවක් හොයාගෙන ආවනේ.ඔන්න ආවට පස්සේ උන දේවල් වලින් කතා දෙක තුනක්.ටිකක් පරණ කතා, දැන් නම් හිනා වෙන්න හොදයි.ඉස්සෙල්ලම මම මගේ යාළුවා ඉන්න තැනට ආව.එක ලොකු විලා එකක කාමරයක්.ලංකාවේ කට්ටියක් තමා උන්නේ.තව රැකියාවල් හොයන්න ආව 6 දෙනෙක් විතර හිටියා.

බස් එකේ ගමන

Image From www.emirates247.com

ඔන්න එක දවසක් මගේ මිත්‍රය උදේ වැඩට යන්න කලින් මට සල්ලි දීල කිව, අද හවස පහ විතර වෙනකොට ටව්න් එකට වරෙන්ය, බස් එකේ යන්න පුරුදු වෙන්නත් එක්ක කියල.මේ වෙන කල් මම මෙහෙ බස් එකක ගිහින් තිබුනේ නෑ. කොටින්ම එලියට ගිහින් තිබුනේ ලග තියන කඩේට විතරයි. මම දැන් හවස ඇදගෙන සල්ලි අරගෙන ආව බස් නැවතුමට.ඒකේ තියනව බෝර්ඩ් එකක්.ඔකේ ලියල තියනව 41,48 බස් නම්බර් මෙතනින් යනවා කියල.මට මූ කීවෙ 41 නිසා ඒ එකක් එනකල් මම හිටිය.ඔන්න එකක් ආව.එක සෙනග පිරිලා එකට මාව ගත්තේ නෑ.

විනාඩි 15 වගේ යනකොට තව එකක් ආව.මට ඉස්සරහින් නගින්න කියල කියල තිබ්බ නිසා මම ගිහින් ඉස්සරහ දොරෙන් ඇතුලට ආව.රියදුරුට සල්ලි දීල කීව යන තැන.ඌ මට ටිකට් එක දීල අරාබි වලින් මොනවද කියනවා. මට තේරෙන්නේ නෑ.ඇතුලට යන්න කියල වෙන්න ඈති කියල යන්න ගියාම යන්න දෙන්නේ නෑ. දොර පෙන්නලා බහින්නලු.දැන් මගේ ඔලුව හොදටම අව්ල්.කියන දෙයක් තේරෙන්නේ නෑ.අනික සල්ලි ගන්නේ නැතිව ට්කට් එකක් දෙන්නේ නැතිව මෙහම උනා නම් මම බැහැල යනවා මොකද සෙනග වැඩි කියල හිතා ගන්න පුළුවන්නේ.දැන් ටිකට් එකකුත් දීල සල්ලිත් අරගෙන මට බහින්නලු.මිනිස්සුත් බලාගෙන ඉන්නව.මු අත පය විසි කර කර බහින්න කියල තමා කියන්නේ.

මම බැස්ස.බැහැල දැන් එකත් පසව ඉන්නවා.මූ කියනවා මොනවද මම දන්නේ නෑ ඇත දික් කරනවා බස් එක ඇතුලට.දැන් මම හිතනවා මූ මට මේ බනිනවා තමා.මම කරපු වරද්දකුත් නෑ.මෙච්චර සෙනග ඉද්දි නැග්ගේ ඇයි කියලද දන්නේ නෑ. ඔන්න ඔහොම. එහෙනම් මූ මොකටද ටිකට් එකක් දුන්නේ ??? මම දැන් හිතට හොදටම අව්ල්.බස් එක යන්නෙත් නෑ. මූ ටිකක් වෙලා ඉදල මට ආපහු නගින්නලු.අතින් කියනව ඇතුලට එන්න කියල.දැන් මට මේක තවත් තේරෙන්නේ නැතුව ගියා.( මම පස්සේ දන්නේ ඌ අරාබි විතරක් දන්නා ඊජිප්ට් එකෙක්).දැන් මූට මල හොද එකෙන් පැනල.

මම කල්පනා කරනවා යකො එක්කෝ පලකො දැන්.ඇයි මේ මාව අල්ලාගෙන ඉන්නේ? දැන් මටත් මල පැනල.දැන් මූ සීට් එකෙන් නැගිටලා ඇවිත් අතින් කියනවා නගින්න කියල. මේක දැන් ලොකු කේස්‌ එකක් , බස් එකේ මිනිස්සු බලාගෙන ඉන්නවා එකෙක්වත් මොනවත් කියන්නේ නෑ.එතන අරාබි දන්නා එකෙක් හරි ඉන්න ඇති එත් කතා කලේ නෑ. දැන් මම බස් එකේ නැගල යනවා මූ මගෙත් එක්ක අරාබි වලින් කතාව.මට ඇත්තටම අර කියන්නේ මානසික හිරි වැටෙනවා කියල ඒ වගේ කියන කිසි දෙයක් දැනෙන්නේ නැතුව ගිහින්.ඇත්තටම හරිම අපහසුතාවකට මම පත් උනා.

කොහොම හරි ගමන ඉවර වෙලා, මම බස් එක දිහා බලන්නේවත් නැතිව බැහැල ගියා.ගිහින් මාව මේ කරදරේ දාපු එකා එනකල් ඉන්නවා. මූ ආපු ගමන් මම ඇහුව "ඈ බන් මෙහෙ බස් වල ටිකට් අරගෙන බැහැල ඊලග බස් එකේ එන්න කියනවාද?? "... මාව මේ කරදරේ දාපු එකා කියන්නේ නම් මට පස්ස දොරෙන් නගින්න කියල කියන්න ඇතිලු.මට නම් එහෙම දෙයක් හිතුනේ නෑ...

පළවැනි ඉන්ටර්විව් එක( යන ගමන් ) 

Image From www.thenational.ae  

ඉතින් දැන් මම ආවේ මම ඉගෙන ගත්ත විෂයට බාහිර රැකියාවක් හොයා ගන්නනේ.යාළුවා කිවත් අමාරු නෑ කියල මට තිබුනේ ටිකක් බයක්.හිතේ හයියට ආවට මොකද, අවේ ලොකුම ලොකු අවදානමක් එක්කනේ.දැන් මුල් සතියේ මගේ යාළුවා මට චිත්‍ර මනින හැටි කියා දුන්න.ඌ කාර්යාලයේ කරන වැඩ ටික කරන විදිය කියා දුන්න.ඌ හරි හොද එකා.දැන් නම් මෙහෙ නෑ.ලංකාවේ හොදින් ඉන්නවා.අපි ඉස්සර ඌ එක්ක තමා පාඩම් කරන්නේ.එක දවසක් අපේ කැම්පස් එකේ ඉන්න තව පාඨමාලාවක් කරන පිරිසක් එක්ක පොඩි ගැටුමක් ඇති උනා.ඕක උනේ රෑ පාඩම් කරන කොට.ඉතින් දැන් කට්ටිය දෙපැත්තට වෙලා මරාගන්න ලැස්ති වෙනවා.අනිත් පාර්ශවයේ උන් ඉතිහාසය නැවත මතක් කරමින් ලී පොලු අරගෙන රෙඩි වෙලා.අපිට ලොකු දේවල් නෑ.ඉතින් මේ මගේ යාළුවාට හොද අදහසක් ආව.ඒ අනුව ඒ ලගම තිබුන අපේ බෝඩිමට ගිහින් ඇදවල් වල පොලු ටික ගලවාගෙන ආව.රෑ වෙනකොට කව්රුත් පාරම් බෑව විතරයි ගහ ගත්තේ නෑ.පොලිසියෙන් ඇවිත් පොලු ඔක්කොම අරගෙන ගියා.ඉතින් පහුවදා ඉදන් අපි මූට බැන බැන මෙට්ට ටික බිම දාල නිදා ගත්තා.

ඔන්න මුගෙන් කුප්පි දා ගෙන, මම දැන් ටිකක් ඒ රැකියාව කරන්න පුළුවන් මට්ටමකට ආව.පුලුවන් කියන්නේ මගේ යාළුවා කරන වැඩ ටික දුන්නොත් මට කරන්න පුලුවන්.වැඩේ තියන්නේ ඌත් මම වගේමනේ.මුලින් ඉගෙන ගත්ත ටික තමා ඌත්  දන්නේ.ඊට පිටින් දෙයක් දන්නේ නෑ.දැන් රැකියාවල් වලට ඉල්ලුම්පත්‍ර දානවා.ලංකාවෙත් වැඩ කලාය, මේවා මේවා දන්නවය, මේ ගැනත් ටිකක් දන්නවා, මෙන්න මේවා නම් ඉගෙන ගනිමින් ඉන්නවා කියල අයදුම් පත්‍රය හැදුව.

ඔන්න ඔහොම දෙවැනි සතියත් ගෙවිල ගියා.දැන් මට දවසක් ආව ඇමතුමක්.අල්ලපු රටේ ආයතනයක්.මගේ අයදුම්පත ලැබුණය, ඉන්ටර්විව් එකකට එන්නය කියල.මොකක්දෝ නමක් කීව දන්නා විදියට ලියා ගත්තා.ආ  එකක් අමතක උනා, මම දැන් ලංකාවේ මේ රැකියාව කරලා තියන්නේ කියල ආයතනයක නමක් දැම්මා.පස්සේ එක එච්චර හොද නෑ කියල වෙනස් කලා.දැන් මම දන්නේ නෑ මොන ආයතනය තියන අයදුම්පතද ඔය ඇමතුම දුන්න කෙනා  තියන්නේ කියල.කෝකටත් මම දෙකෙන්ම කොපි දෙකක් අරගෙන පිටත් උනා.

බස් එකෙන් ගිහින් අමාරුවෙන් ටෙලිෆෝන් කාර්ඩ් 2ක් විතර වියදම් කරගෙන තැන හොයා ගත්ත.දැන් ටිකක්  කල් වැඩි නිසා  එතන තිබුන පාර්ක් එකක ඉදගෙන හිටිය පැය බාගයක් වගේ.දැන් වෙලාව හරි කියල දැනුන නිසා නැගිට්ට,  එතනින් නැගිටලා පාර පැනල යන්න ඕන අදාළ තැනට.

ඔය පාර පනින්න කලින් තමා මේ පාර්ක් එකේ තනකොල වවපු හරිය තියන්නේ.ඕක මැදින් යන්න  එපා කියල පොඩි බෝර්ඩ් කෑල්ලක් දැක්ක උනත් මම ඒ තරම් ගණන් ගත්තේ නෑ.ඔය කියන තනකොල කොටස ටිකක් ලොකුයි.මම දැන් සහතික ටිකත් අරගෙන ඕක මැදින් එන්න ආව.හරියටම මැදක් වගේ එනකොට.හෙන වතුර මල් වගයකින් වතුර විදින්න ගත්තා.මොනවා උනාද කියල තේරුම් යන්න කලින් මම දුවගෙන එතනින් එලියට ආව.ඇවිත් බලපුවම අර තනකොළ ලගදී හදල තියන්නේ.ඒවාට වතුර දාන්නේ ඔටෝමැටික් ස්ප්‍රින්ක්ලර් වලින්.එව්වා තමා වැදිලා තියන්නේ.පොඩ්ඩක් බලනකොට ඇදුම ඉවරයි.මෙහෙම ඉන්ටර්විව් ගියහැකිය.දැන් මගේ මානසික තත්වය නොදන්නා රැකියාවක් ගැන පළවැනි ඉන්ටර්වීව් එකකට යන්න ඕන කරන ප්‍රශස්ත මට්ටමේ තියන්නේ.සහතික වල කොන් තෙමිලා.හැබැයි එක ඒ තරම් අව්ලක් හිතුනේ නෑ මොකද මෙහෙ පළවැනි ඉන්ටර්වීව් වල සහතික බලන්නේ නෑ කියල අහල තිබුන නිසා.ඒ උනත් මෙහෙම ඇදුම් තෙමාගෙන තැනකට යන්න බෑ. එක නිසා දුන්න වෙලාවට විනාඩි 45 කට පස්සේ ඉන්ටර්වීව්එකට ගියා.

පළවැනි ඉන්ටර්විව් එක( වෙලාවේ  ) 
තාම ඇදුම් තෙතයි..ඒ උනත් තවත් පරක්කු වෙනවා කියන්නේ ඔය මිනිස්සු ටික යයි යන්න කියල ඇතුලට ගියා.ගිහින් බලනකොට ටිකක් ලොකු කාර්යාලයක්.ලස්සන පිළිගැනීමේ නිලදාරිනියක් එහෙම හිටිය.මම ගිහින් කිව මම අහවලා, පරක්කු උනා එන්න තැන හොයා ගන්න අමාරු උනා කියල.ඒ වෙනකොට හවස 6යි. මාව පරීක්ශා කරන්න නියමිත ප්‍රදාන ___තුමා බලාගෙන ඉදල ගිහින්.ඉතින් ජී ඇම් මහත්තයට කියල බලන්නම් කීවා.එතකල් ටිකක් ඉන්න කිව.මමත් ඉදගෙන හිටිය උත්තරයක් දෙනකල්.

ඔන්න තව විනාඩි 20ක් විතර ඉන්නකොට කීවා උඩට යන්න ගිහින් ජී ඇම් මහත්තය හම්බ වෙන්න කියල.මමත් උඩට ගිහින් කාමරේට තට්ටුවක් දාල ඇතුලට ගියා.ජී ඇම් අල්ලපු රටේ වයසක පොරක්.මේ අපේ මිත්‍ර ටමිල්නාදුවේ...ඉතින් අර මුලින් ඉන්ටර්විව් වල කතා කරන ආ ගිය තොරතුරු ටික කතා කරලා මට මේසයක් ගාවට ගිහින් කිව මේ චිත්‍ර ටික මැනල බඩු ටික ලියල දෙන්නය කියල.එහෙම කියල ඒ මේසෙම අනික් පැත්තේ ඉදන් මිනිහ බත් එකක් දිග අරගෙන කන්න පටන් ගත්තා. මම එක ඒ තරම් ගණන් නොගත්ත බව පෙන්නල මගේ වැඩේ කරගෙන ගියා.මගේ යාළුවා කාර්යාලයෙන් පන්නගෙන ආපු චිත්‍ර වගේ ඒවා නිසා අව්ලක් නැතිව වැඩේ කරලා දුන්න.එක බට ජාතියක් දිග විතරක් මැනල, අවශේශ බඩු මනින්න දන්නේ නෑ කීව.එහෙම කියන්නය කියල මගේ යාළුවා කියල දීල තිබ්බේ.

මිනිහ ලිස්ට් එක අරගෙන කෑම එකේ තිබුන චපාති එකක් අරගෙන මට කන්නලු.පොඩ්ඩක් වෙනස් තමයි.මොකද කරන්නේ මට සෙට් වෙන්නේ මම වගේම උන් තමා කියල හිතාගෙන ඒකත් කෑව.මූ අර ගණන් ටික අරගෙන ෆොන් එකෙන් වෙන එකෙකුට කීව.මම හිතුව දැන් මොකෙක් හරි පයිතෙක් ඕකේ අඩු පාඩු කියයි කියල.එහෙම දීල මගේ අයදුම්පත අරගෙන ටිකක් වෙලා කියවල.මගෙන් එකම එක ප්‍රශ්නයක් ඇහුව.

ඊට කලින් කියන්න ඕන මගේ මුල්ම අයදුම් පත මම වෙන එකෙක්ගෙන් අරගෙන කොපි කරලා මගේ විස්තර ඇතුලත් කල එකක්.දැන් මෙයා ගාව තියන්නේ ඒ පරණ එක. එකේ තිබුන තැනක "bar bending schedule" කියල.ඒක වෙනම ඉංජිනේරු ක්ෂේත්‍රයකට බාවිත වෙන වචනයක්.වැරදිල ප්‍රින්ට් වෙලා.

 මූ මේකම ඇහුවනේ මගෙන් මේ මොකක්ද කියල.මගේ කන් දෙක රතු වෙනවා දකින්න ඇති, මුනට දාඩිය දානවත් දකින්න ඇති.දැන් මම මේක, වැරදිල ප්‍රින්ට් වෙලා ඒක නිසා මම අයදුම්පත වෙනස් කලා, ඔය තියන්නේ පරණ එක මෙන්න මේක තමා අලුත් එක කියල දෙන්නද අලුත් එක, බෑනේ පින්වතුනි???(මාරයාගෙන් කොපි කලේ )

එක නිසා මම කීවා" ඒ කියන්නේ ප්‍රොජෙක්ට් ප්‍රෝග්‍රෑම් එකේ ඇක්ටිවිටි ටියිම් බාර් එකේ ස්ටාර්ට් ෆිනිෂ් බාර් ඩීටේල් ශේඩියුල්" එක කියල මහ පොලොව නුහුලන බොරුවක් අද බෑවා(Name Dropping).ඇද බාල අර මගේ හිත හිරිවට්ටන සීන් එක දා ගෙන ඉන්නවා ඕනෑම ලැජ්ජාවක් මගේ නොවේ වගේ. දැන් මූ ඒකට කිසිම හැගීමක් නැතිව මගේ දිහා බලාගෙන ඉදලා.මෙන්න මෙහෙම කීව."මම දන්නවා උබ මේකේ ලියල තියන දේවල් සහ උබට කල හැකි දේවල් මොනවද කියල.මට කරගන්න තියන්නේ මෙන්න මේ වැඩ ටික_______.උබට මම අවස්ථාවක් දෙනවා වැඩ ඉගෙන ගන්න.උදේ ඇවිත් දවසේ මොන මොනවා හරි කරලා හවස යන්න නෙමේ, උබ කරන්න දන්නා වැඩ ටික හරි විදියට කරන්නේ කොහොමද කියල ඉගෙන ගන්න.ඒක නිසා මම උබට මාස 3ක් කල් දෙනවා, උබට මම මෙච්චර පඩියක් දෙනවා මාව බලාපොරොතු කඩ වෙන තත්වයට පත් වෙන්න එපා "කියල මට යන්න කීව හෙට උදේ එන්න කියල.

මම හිටියේ අර හිත හිරිවට්ටන සීන් එකේ හිටපු නිසා මේ කතාවේ වචන ටික හැරි තැන් වලට දාල ඉන්ග්රීසි ටික තේරුම් ගත්තේ බස් එකේ ඇවිත් ගෙදර ගාවින් බැහැල පයින් යන ටිකේ.ඌ තමා එතන ඉදන් අවරුදු 3ක් සහ මස 3ක් ( අර මට දුන්න මාස 3 න) මගේ බොස් වෙලා මට ගොඩක් දේවල් කියා දුන්නේ.ඌ ඒක කලේ ඇයි කියලත් මට තේරුනා ඔය කාලේ අතර තුර.ඒක පසුවට.

ගමන් බලපත්‍රය . . .

                                                           පින්තුරය http://en.wikipedia.org/wiki/Sri_Lankan_passport
මට කෙනෙකුගෙන් අහන්න ලැබුන කතාවක් අද කියන්න ඕන කියල හිතුව. මේ කතාව මට අහන්න ලැබුනේ 2009 වගේ.ලංකාවේ කෙනෙක් රට ඇවිත් සිදු උන සිදුවීම්. ඔය කාලේ මම රැකියාව කලේ නගරයෙන් ටිකක් ඈතට වෙන්න තිබුන සයිට් එකක.ගමනාගමනය අති දුෂ්කරයි.ඒ පළාතට බස් යන්නෙත් නෑ ඒ කාලේ.ටැක්සි විතරයි යන්නේ.උදේට යන්න එන්න ටැක්සි  වලට ලොකු ගානක් යන නිසා ඒ කිට්ටුවෙන් නතර වෙන්න තැනක් හොයමින් ඉන්නකොට මම දැක්කා සිංහලෙන් අතින් ලියපු දැන්වීමක්.කෝකටත් කියල දාල තිබුන නොම්බරේට කතා කලා.කාමරේ අව්ලක් නෑ,ඉඩ තියන පොඩි කාමරයක්.ඔක්කොම තුන් දෙනෙක් හිටිය.ඔය කාමරේ අයිති කාරය ලංකාවේ කෙනෙක් නම ප්‍රබාත් කියමු.විනෝදයට බර කිසිම ප්‍රශ්නයක් සීරියස් ගන්නේ නැති කොල්ලෙක්. මට මේ කාමරේට එන්න ඕන කරන ඔක්කොම හරි.මම එන්නම් කියල දවසකුත් කතා කරගෙන ආව.මම කෑම ගත්තේ ලංකාවේ ගෙදරකින්.ඔය මනුස්සයට මම කීව මම කාමරේ මාරු කරනවා අර අලුත් කාමරේ තියන තැන කියල මම එතනට යනවා ඒක නිසා කෑම ඊ ලග දවසේ ඉදන් එහාට ගැනත් දෙන්න කියල.ඒ මනුස්සය ඇහුව ප්‍රබාත් ගේ කාමරෙටද යන්නේ කියල.එක අහපු විදිය පොඩ්ඩක් අව්ල් නිසා මම එදාම හවස කෑම පෙට්ටි ආපහු ගෙනියන්න ආවම විස්තර ඇහුව. මිනිහ තමා මට මේ අතීත කතාව කිවේ.

ප්‍රබාත් ලංකාවේ කොලබට කිට්ටුව නගරෙක.අවරුදු 18 වෙනකොට මෙහෙ ඇවිත් රැකියාවකට ඇලුමිනියම් කර්මාන්තශාලාවක.කරන්න තිබිල තියන්නේ වාහන රේඩියේටර් උණු ඊයම් වල ගිල්ලන එක. කියන්න දෙයක් නෑනේ තේරෙනවනේ මේයාට ඒක වැඩි කල් කරන්න අමාරු වෙලා.දැන් අපහු ලංකාවට යන්නත් බෑ නේ. මාස කීපයක් එතන ඉදල එතනින් පැනල ඇවිත්.මෙහෙ රැකියාවකින් අයින් වෙන්නේ නැතුව රැකියාවට යන්නේ නැතුව ඉන්නවා කියන්නේ නීති විරෝදීව රට තුල ඉන්නවා කියන එක.දැන් මෙයා එතනින් ඇවිත් යන්න තැනක් නැතිව දන්නා කෙනෙක් නැතිව එහෙ මෙහෙ වෙවී ඉන්නකොට ලංකාවේ එක්කෙනෙක් ගෙදරක වැඩ කරන්න එක්කගෙන ගිහින්. දැන් මේක කරගෙනඉන්න අතර ඒ අවට ගෙවල් වල ඉන්න ලංකාවේ උදවිය එක්ක කතා බහ කරලා අදුනගෙන.ඒ අතර මෙයට අදුන ගන්න ලැබිල තියනවා රුවන් කියල තවත් ලංකාවේ කෙනෙක්.රුවන් කියන්නෙත් මේ වගේම රට ඇවිත් ලොකු කට්ටක් කාල දැන් තමන්ගේ කියල වියාපාරයක් කරගෙන ඉන්නව. ප්‍රශ්නේ තියන්නේ කරන ව්‍යාපාරේ තමා.ප්‍රසිද්දියේ මතට තිත ඇත්තටම  තියල තියන රටක මද්‍යසාර වෙළදාම හොද වියාපාරයක්. ඉතින් ප්‍රබාත් රුවන් එක්ක එකතු වෙලා වියාපාරය කරගෙන යනවා.පහුකලීනවා ප්‍රබාත් ප්‍රදේශයේ ප්‍රසිද්ද මධ්‍යසාර ව්‍යාපාරියෙක් බවට පත් වෙනවා.

ඒ අතර ප්‍රබාත් තවත් වැඩක් කරගෙන යනවා මේ රටට මිනිසුන් ගෙන ඒම.ඔහොම දවසක සංචාරක විසා වකට ආපු කෙනෙක් ආපහු යන්නේ නැතිව ඉදලා.එහෙම උනාම විසා එක දුන්න කෙනාට බරපතල ගැටළු වලට මුණ දෙන්න වෙනවා.එක නිසා ප්‍රබාත් ඒ නොගිය කෙනාගේ ගමන් බලපත්‍රයට වෙන කෙනෙක් ලංකාවට යවනවා, පළමු වතාවට.ඒ වැඩේ හරි ගිය නිසා මේ වගේ තවත් අයව මුදලට ලංකාවට යැවීම අලුත්ම රැකියාව කරගෙන ගියත් දවසක් එහෙම යවපු කෙනෙක් මෙයාගේ විස්තර ඔක්කොම පොලිසියට දැනුම් දීම නිසා හැම දේම ඇත ඇරලා ලග තියන රටකට මෙයත් තව කෙනෙකුගේ ගමන් බලපත්‍රයකින් ඇතුල් වෙනවා. යන්නේ දවස් කීපයකට මෙයාගේ අලුත් ගමන් බලපත්‍රරයට වලංගු විසා එකක් එවන්න කෙනෙකුට බාර දීල. විසා  එක ඇවිත් නෑ.දැන් මෙයා අතේ තියන් සල්ලි ටික ඉවර වෙලා.මෙහෙම එන අයගෙන් හෝටලය ගමන් බලපත්‍රය තියා ගන්නවා ඒක දෙන්නේ විසා එක ආවාම විතරයි. මෙතන තව දුරටත් හිටියොත් ගමන් බලපත්‍රයේ වංචාව අහු වෙන  නිසා කොහොම හරි දේශ සීමාව පේන ගානට අවිත්.දේශ සිමාව තියන්නේ අඩි 10 - 12 ක් වගේ උස යකඩ වැටක්.එක උඩින් පැනල එනකොට ආපු පිටි ගෙනියන ලොරියක නැගල නගරයට ඇවිත්.

ඉතින් ඔය කතාව කියල මට ඒ කාමරේට යන්න එපා කියල උපදෙසකුත් දීල ඒ මනුස්සය යන්න ගියා.හැබැයි කතාව මට හොදට මතක තිබ්බ. මගේ යාලුවෙක් රට එන්න ගමන් බලපත්‍රය ඒජන්සියකට දීල හම්බ උනේ නෑ කියල පොලිසි ගියා මීට ටික කාලෙකට කලින්.

මේකෙන් ගන්න තියන්නේ කවදාවත් ගමන් බලපත්‍රයක් වීදේශ රැකියා ඒජන්සි වලට දෙන්න එපා.දීල මාස ගණන් තියා ගන්න දෙන්නත් එපා.ගොඩක් එහෙම වෙන්නේ දුර පළාත් වල අය කොලබ ඇවිත් දීල යනවා .ආපහු එනකොට එතන ඒජන්සි  එකක් නෑ. ඒ වෙනකොට ඔබගේ ගමන් බලපත්‍රයට වෙන කෙනෙක් ගිහින් තියෙන්න ඉඩ තියන නිසා . . .ඒ වගේම මෙහෙ ඉන්න කෙනෙක් බැංකු වලට පොල්ලක් තියල ඔබේ ගමන් බලපත්‍රයෙන් ගිහින් තිබ්බොත් ... නිකමට මෙහෙ ට්‍රාන්සිට් එකකට ආවත් හිරේ යන්න වෙනවා නොකළ වරදකට. . එක නිසා අනන්‍යතාව රැක ගැනීම ඉතා වැදගත්. . .